වතුර බිල් ගෙවා අහවර හෙයින
වතුර මල් එක්වරම පැන නඟින
සිහින් දුම් රොටු පා කර
පාරවල් තාර ගොඩවල් නිවෙන
ඉන්පස්සෙ
තුරු ඇස් අගිසිවලින් වැහි හැලෙන
වික්ටෝරියා උයන මැද පිලිම
වහවහා ෂවර ජෙල් තවරන
කපුටුවන් කබා යට සඟවන
කැළැල් වේයැයි වත්සුණු
බළල් නෝනාවරු නොරිස්සුම් වෙන
කලල් මඬ තැවරුණු
පුළුන් කොට්ටා පා දැක රැවුල හකුලන
පොල්කා ඩොට් සළුව ඇඳ
බේරේ උකුල නලවන
වල්ගා මිරික මිරිකා
ලෙහෙනුන්ය ගිනිඋඳුන වට රැස්කන
වතුර බිල් ගෙවා අහවර හෙයින
වතුර මල් සමය යලි ඇරඹෙන
අතුරෙ යන්නා වගේ
කළු වලාකුළු අග රිදී එළි දිස්වෙන
ගගන සරන්නට කියා සිදුනු අත්තටු ගීතයේ තේරුම කියල දෙන්න බස්සි
ReplyDelete