Friday, January 13, 2017

258. ඒ අදිසි හිම වළසා



ඒ අදිසි හිම වළසා
නොවැම්බර හෙම්බිරිස්සාවෙන් පෙලෙන
නිතරෝම පත නැහැය කිවිස්සා
වළාකුළු තෙතබරිත කරවන
වැසි පතිත කරවන

දඩ බඩස් හඬ දිදී
පස්පංගු බැරල එහෙ මෙහෙ පෙරලන
තඹ මුට්ටි පුරවා කසායක් උණුකර
අහඹු ගිනිදළු තැනින් තැන මවන

පාන්දර ඉහ බරට දැනෙනකොට
පාත්තරයක් පුරා - නටන උණුදිය දරා
පාත්කර බොත්තං හැඩේ නැහැය
හුමාලය පෙණහැල්ල වෙත අදින
හාත්පස උදා මිහිදුම පිරෙන

ඒ අදිසි හිම වළසා
රිසි නොරිසි හැමට එක විලසා
නොවැම්බර හෙම්බිරිස්සා බෙදන

No comments:

Post a Comment