Thursday, January 12, 2017

224. ස්මරණ


පිත්තල පෝච්චිය තුරුල්ලේ
පාට වියැකුණු රෝසමල් මිට
මකුළුවෙක් දැල් වියයි නිදැල්ලේ
අවපැහැති පෙත්තෙන් පෙත්ත යාකර
ස්මරණයන් හාකර

දූලි වැකි කැඩපතක් අතරින්
පෙනී නොපෙනී ඔබ වත
ශතවර්ෂ කිහිපයක සැමරුම්
වැළැඳ ගන්නෙය හදවත

එක්වරම අත් තිරිංගය ඇද
නතර වන්නෙය කාලය
ඔරලෝසු කටු කරකැවේ ආපස්සට

පරඬැල්ව ගිය තෘණ පත්
අතගගා විහිදුවාගෙන අත්
වැයීමෙන් තෙත වළාකුළු තත්
වැටේ වැහිබිඳු 
එක දෙක
එක දෙක
එක දෙක

ඔරලෝසු කටු කරකැවේ 
ආපස්සට!



No comments:

Post a Comment