බිංදු වැහි සළුවක් පොරෝගෙන
හැන්දෑව කුරගගා පැමිණී
සින්දුවක අන්තරා කොටසක
රෝස පෙති කිහිපයක් මිමිණී
හදවතේ කටු ඇනුණී
"කරදාසි ඔරු තියෙන්නේ දියබත්වෙන්නමයි මායා
සරදාකාශයක වුවත් අව අටවක නොඒවිද පායා?
පවතින්න පුළුවනිය අපේ ඇස නොගැටී, පිලිස්සී හළුවී - නැතොත් වැළලී
පෙරවදනකින් පසුව අවසැඟව ගිය නවකතාවක සේයා"
කන්ද කෙන්දක් බවට හරවා සඟවමි
ඇහිපියන් ඇතුලත කාටවත් නොපෙනී
අන්ධ අඳුරේ සින්දුවක අන්තරා කොටසක්
දෙතොල් මතුයේ පිපුනී
මන්ද නොදැනම
කොපුල් මත හිම මිදුණී
No comments:
Post a Comment