Thursday, January 12, 2017

227. එකල පෙම් පත් ලියූ රහස් බස



කළු ලැප්ටොප් තිරය මත
පිපෙනකොට සුදු කේත සටහන් රැස
මතක් වෙනවද ඔබටත්
එකල පෙම් පත් ලියූ රහස් බස?


තනිරූල් පිටු බාගෙක
ලියා හංගා තිබුණු ග්ලොසරිය
සොයා ගන්නට නොහැකිව
සමරු පොත අද ගොළුය - බිහිරිය


මා වටා වැතිරේය කළුවර
පරිගණකයෙන් බිම බැස
මිහිදුම් ධූම අතරින්
දිසෙයි ඔබගේ තරු ඇස


කී බෝඩ් කෙටි පියවර
මතකයෙන් අතුගා ඉවතහැර
දුරම පාරක ඔහේ ඇවිදිමි
තිරය බොඳවෙන්නට පෙර



No comments:

Post a Comment