Friday, January 13, 2017

266. අමතක වුනා වෙන්න නම් බැහැ!



අමතක වුනා වෙන්න බැහැ
අමතන එක ඔබට

ගමන දුර වැඩි නිසා සමහරවිට,
ගිමන් අරිනවා ඇති
රළු කොරොස් කටහඬ,
කපුටුවෙක් වගේ ඇන තියාගෙන
දුරකතන රැහැනක් උඩ

එහෙම නැතිනම් හිර උනාවද
පිම්බුණු හාදු පොදියක්
කේඬෑරි කම්බිය මැද?

අති පණ්ඩිත කතාවක්
බකල ගමනින් පෙරළි පෙරලී එනකොට
චරස් ගා රැහැන් බිඳුනාවද?
බිමට පෙරලුනාවද – කොන්ද ඇවිලුනාවද?

ඉතිං මට දුස්-ස්වප්න එමට
අමතක වුනා වෙන්න නම් බැහැ
අමතන එක ඔබට


No comments:

Post a Comment