Thursday, January 12, 2017

229. උත්තරධ්‍රැවයේ ශීත කන්තෝරුව


උත්තර නැති ප්‍රශ්න පත්තර උඩ
තත්පර කටුත් කම්මැලිකමේ ගාටන
උත්තරධ්‍රැවයේ ශීත කන්තෝරුව
උස්සලා පොළවේ ගහන්නම හිතී ඇත

වත්සුණුද නෙත් අංජනද 
ඝනීභවනය වී ඇත
මැස්සෙකුගෙ ගුරු ගුරුවටත් වාරණ බැඳ
පැඟිරි කුයිලක් බලෙන් තවරයි බිතු මත
ඉතින් නිතරම නිදිමත

ඇත්තමයි අළු අහසවත් නොපෙනෙනකොට
පොරවගෙන ගොරව ගොරවා නිදන්නත් බැරිකොට
උත්තරධ්‍රැවයේ ශීත කන්තෝරුව
උස්සලා පොළවේ ගහන්නම හිතී ඇත

No comments:

Post a Comment