311. වචන සේරම මතක ඇති බව ගිවිසන

 

To be loved like a song,

That dances in sunlight

and echoes in rain.

______________

කලබල නගරයක් මැද

රහස් රිද්මෙක තාලයට පා නැටවෙන

දෙතොලතර ගුම් දිදී ගැවසී

නීරස මීටිමක් මියුට් කරවන

එයාපොඩ් අමතකම කරවා

මහ හඬින් අන්තරා කොටසක් සුගැයෙන

හිරු රැසින් හාත්පස නැහැවෙන දවසක

දෙනෙත් ඇතුලේ කදාමිණි එලි දල්වන

වැහි බරින් හදවතම පැහැවන සවසක

රිදුම් පිරිමැද ඔසු දියර හිස ගල්වන

නාදය බිඳෙන තැන හඳුනන

තානය වෙනස් වන ඇසිල්ලේ ඒ කිම ද විමසන

ආයෙ ආයෙමත් රිවයින්ඩ් කරගෙන

වචන සේරම මතක ඇති බව ගිවිසන...

______________

Oh!

To be loved like a song

To be the soft hum

You breathe in the dark...