රතු ස්කාෆයක් නළල හරහට
'හිතුමතේ ජීවිතේ' ටැටූවක් පපුව මැද
කොටි හපුවෙක් දකුණු උරහිස උඩ
තියුණු රදනක දත් විලිස්සන
නිවුණු බාලිකා හිත කිවිස්සන
උඩු රැවුල යන්තමට කරකවා
ඇයි නංකී අපි කළුද අහන
කිණිසි තුඩකින් හිතට ඇන ඇන
සිනමාහලේ අඳුර අතරින්
ආදර හාදුවක් ලයිව් පෙන්වන
හයිරංකාරයෙක් ආදරය
දණිහෙන් ඇන දොරගුළු කඩාදමන
ප්‍රපාතයකින් පහළට තල්ලු කර
කොස්සන් හිනා දෙන
රොමැන්තික සුළං පිඹ පිඹ
බිම හැපී මැරෙන හැටි අමතක කරවන
No comments:
Post a Comment