Wednesday, December 2, 2015

173. ෆ්ලැමින්ගෝවරු





ෆ්ලැමින්ගෝවරු
උණු වෙවී ගලායන වීදිවල 
කැට්වෝක් ණයටගෙන
කන්තෝරු යන

ඇවිලෙන නගරවල
පඩිපත සැණෙන් දියවෙන
ඉනික්බිත්තේ
ඇටමිදුළු හිරිවැටෙන සීතල ය
තනි කකුලෙන් නැගීසිට
වැය අඩක් පිරිමහගන්න තතනන

ෆ්ලැමින්ගෝවරු
පා පුවරුවෙන් යාන්තම් ඉහලට නැග
කවුළුවට ඇස් මානන
තුංග සල්පිල් හිසක ධජයක මුහුණතක
වර්ණ අබරණ පැළැඳි
තම උවන දැක අත්වාරුවද අත් හැරෙන

මඳ උඩඟු බැල්මකින්
දෙනෙත් ඇතුලත බැබලෙන


No comments:

Post a Comment