ඉස්සරම කට්ට කළුවර රෑට
තරු නෙතින් තරු රටා උරා බිව්
කුඩා දැරිවිය මෙතැන අද නැත
බැල්කනිය දිග ක්‍රිස්මස් ලයිට් දැල්වූ
ඉටිපහන් එළි බීර බඳුනක ගිල්වූ
පෙම්වතිය තරුණියද මෙහි නැත
මෙතන මේ දැවෙන්නේ අම්මෙක් ය!
ළදරු කිරිපිටි හොයා කඩවල් පීරන
ළදරු වැක්සින් හිඟකමින් හද සීරුන
කළුවරේ ළදරු ඇඬුමෙන් සවන් පෑරුන
හෙටක් ගැන හිතන ගානේ පපුව හෑරුන
මෙතන මේ දැවෙන්නේ අම්මෙක් ය!
තරු රටා විඳින, සෙවණැලි රූප අඳින කෙල්ලන් තව නැත.
ඉටිපහන් දැල්ලකින් හදවත ඇවිළුන
ඒ ගින්දරෙන් දෙනෙත දැල්වුන
වේතාල රැලට ගිනි පිඹින අදිටනින් අද
අම්මලා වීදියට පැමිණ ඇත!
💓💓💓
ReplyDelete