හිස බමන වෙලාවට විතරක්ම
ඔබ අහන
තත්පර එකසිය පනහෙ කුඩා සංගීත ඛණ්ඩය;
මම
උණු කෝපි බඳුනක්ව - පැහෙද්දී ඔය හදවත
මේසයත් ඔබත් අතරින් වැතිරෙන
පැලුම් පැල්ලම් නවත්තාගෙන - ආපදා සේරම උරාබොන
ඝනැති කපු ලේන්සුව;
මම
තොල් ආලේප පිහදාන
අනතුරුව කුණු කූඩෙකට දාන
මේකප් රිමූවර් ටිෂූ කොල අහුර;
මම
වැහි වෙලාවට පිපෙන
අඳුරු අහසකත් හසරැලි අඳින
වෛවර්ණ ඉඳුදුන්න;
මම
සත්පාට වියැකෙනත'ර - වෙණ තත් බිඳෙන්නට හැර
සපුරාම ප්‍රීතියෙන් නික්මෙයි - ගීතයක් සිවුරුහන් කරකර
නවකතාවේ වීරයා;
ඔබ
.
No comments:
Post a Comment