ඔංචිල්ලානු රසායන
රිදී ඉසකේ තද නිලෙන් පැහැ ගන්වන
දෙකම්මුල් රැලි අතුරුදන් කර
සිනා වත්සුණු ගල්වන
ඔංචිල්ලානු රසායන
සීත සෘතුවේ මලානික සැන්දෑවක
වසත් හිරු අහසට වඩම්මන
හිසත් දෙපයත් උණු රන් දියෙන් නහවන
ඔංචිල්ලානු රසායන
පත අට එකට හින්දා
පිරවු ඔසු ඔරුවේ - ශනිදා උදා වරුවේ,
විධායක අය විඩා දියකල යුතු වන
කුඩා පිම්මක් දෙපිම්මක් පැන
කුඩාවකුගේ සැහැල්ලුව ගෙන
කුඩා සතියක් ගෙවා ගන්නට තල්ලුවක් දෙන;
ඔංචිල්ලානු රසායන
පැනඩෝල් වෙනුවට ගිලින්නට
හරියටම
හරියටම
හරි යන !
No comments:
Post a Comment