ටියාරාවක් හිස පැලැන්දූ
සින්ඩරෙල්ලාවකට
තහනම් ය මධු සාද
නෘත්‍ය ආලිංගනත්
කපා දැමුනාට පසු
ආයෙමත් කිසිදාක
වැවුනේම නැත ප්‍රියය
රපුන්සල්මය කෙසක්.
කුඩා දිය කින්නරිය
කඩා ඉවත ලා දිව
ගැයුම නවතා දැමී
වැයුනාද ඉනික්බිති වෙණ තතක්?
කැත ඉලක්කම් ගහණ
පරිඝණක සටහනක
සැඟවෙමිය.
ලදොත් මද ඉසිඹුවක්,
නෙත් අඳුන් තවරාන
බැබලෙමිය.
නැතොත් රෙදි බේසමක
දුම් දමන සූපයක
දිය වෙමිය.
කිරි සිනහවක් අසා
දිනෙන් දින - පැයෙන් පැය
සැනසෙමිය.
No comments:
Post a Comment