284. බදාදා

බදාදා

හරි මැදින් ඉරි ගසා දවස් හත වෙන් කරන

ඒ හපන්කම් අගයා

රන් පදක්කම් පැළඳෙන

හදිස්සියකට නිවාඩුවකුත් නැතිවෙන

සිකුරාදාට දුර බව මතක් කරදෙන

සඳුදාව ගෙවුනා විතර බව කියා දත නියවන

කාරෙකේ බැටරි බස්සවා එකතැන නතරකර

ටැක්සිත් අතුරුදන් කරවන

හයිලෙවල් පාර උඩ

පෙට්ටි වාහන අට්ටි තිය තිය රැස්කරන

"ගිහිං පෙන්නපං දැං" කියකිය

කින්ඩියට හිනාවෙන

ඔන්න ඔය පේනවද?

නරි දත් දෙකක් මැද්දෙන්

මේ දැනුත් විරිත්තන