දිගු රැය මැද දුරුත්තේ
හදිසියෙන් අවදි වෙමි
සිපුම් පහරක කැළැල් මත්තේ
සඳුන්, කෝමාරිකා තවරමි
කදෝකිමි එළි කිණිත්තේ
තරු ඇස් දිලෙනයුරු දකිමි
විදා අත් තදකර පියා නෙත්
ස්නේහයෙන් ඉකියක් වැළැඳගමි
රෑහි අඬ නොමැත්තේ
පාළුවෙන් මියැදීද විමසමි
පිණි තුල සිරව ඇත්තේ
බිඳුන පැතුමකි - කැබැලි අහුලමි
සෙල්මුව හදැත්තේ
ඉතින් යලි හමුවේද නොදනිමි
රැය දිගු ඇයි දුරුත්තේ
ඇසෙන නෑසෙන හඬින් මුමුණමි
No comments:
Post a Comment