"එයා කියන දේ මං අහන්නෙත් නැති
මං කියන දේ එයාට වැඩකුත් නැති
අපි කතා කර කර හිටියත් පාළුවට!!!"
- හෂාන්ගේ කවියක් -
බැරිද මටත් හදා දෙන්න උණු කිරි එකක්?
හොඳටෝම දැනගෙනත්
මුහුදු කිහිපයක් පහුකරගෙන
කිරි වීදුරුවකට එන්න බැරි බව
එන්නද ඊළඟ උපන්දිනේ දවසට
හාදු ඇරෙන්න මොනවද ඕනෙ ඔබට
මං අහන්නෙත්
ඔබ තොඳොල් වෙන්නෙත්
බොරුවට,
ඇත්ත දකින්න බැරුවට
දශකයකටත් පස්සෙ
කටහඬම විතරක් නොවෙනස්ව
(වෙනස්කම් තේරුම්ගන්න අකමැතිව)
මේ ඇමතුම් සේරෝම පාළුවට
පාළුව උහුලන්න බැරුවට
ඇත්තටම බොරුම බොරුවට!
